爆機狂迷：<br>任天堂20年經典紅白版GBASP軟硬齊炒

爆機狂迷：
任天堂20年經典紅白版GBASP軟硬齊炒

2月14日，GBASP發售一周年兼係紅白機誕生20周年大日子，任天堂特別推出嘅紅白機版GBASP卻再次帶起炒風，首日成交價達$1,150，比原價足足高出$240，而同期一套十款嘅經典Game重誇張，喺缺貨底下，「排隊價」更達到$1,800，兩者加埋足夠買到PS2+XBOX，懷舊魔力實在不容忽視。
文：藍顯傑
攝影：黃子偉
ImageGirl：Eko

紅白機版GBASP（FAMICOMCOLOR），美其名是紀念GBASP發售一周年，兼夾慶祝紅白機誕生20周年的第二彈特別版，但明眼人一看，已知是安撫之前抽不到限量4,000部，跟足紅白機手掣設計的第一彈紅白機版SP（FAMICOMVERSION）的機迷。雖然新版紅白機GBASP都出現炒賣，不過相比第一彈喺YAHOO!AUCTIONS被競投至20萬日圓（約港幣$14,600），香港今次亦炒至接近九千港元，已經算平得多。



紅白配未跟足原版
唯有出個仿紅白機顏色的版本，算是代替品吧！但代替品歸代替品，講到這個紅白機版的顏色，卻和想像中的有點出入，白色用了珍珠白，紅色則用了一種較鮮的紅色，這樣便算紅白機顏色？未免取巧了一點吧？幸好，包裝懂得用孖寶兄弟做主題，相當之醒目，算是挽回了一點感情分，但SP最為人詬病十字掣、AB掣較扁的問題，一樣沒有改良，絕對係換湯不換藥，令筆者頗為失望。

■FAMICOMVERSION（全球限量4,000部）/最高炒價：$14,600港元

FAMICOMCOLOR（大量生產）
原價：約$910
最高炒價：$1,150

■雖然並非原版紅白色，不過襯落GBASP度又幾靚喎。

■遊戲帶插槽冇變，始終未加入防塵用嘅遮蓋。

■特別版繼承GBASP好拎兼易袋嘅優點。

FAMICOMMINI全套$1,800
喺日本跟紅白機版GBASP同期推出嘅，重有一套十款嘅經典Game系列「FAMICOMMINI」，全部都係當年紅極一時嘅正Game，對老一輩機迷嚟講，相當之有紀念價值。「FAMICOMMINI」以獨立發售，每款Game賣2,000日圓（約港幣$146），而行貨盒身卻用英文來印刷（盒內還有一個「香」字，以資識別），附有中、日文兩本說明書，非常之親切，不過現時行貨批發價也要千多元，所以預計街價亦比較貴，可惜跟機發售的懷舊系列「FAMICOMMINI」，因為日本方面同樣缺貨，香港亦暫未有水貨，故此炒價已暗暗而生。據部份接受客人定單嘅Game舖稱，好多機迷為求擁有呢套紀念遊戲，不惜以高價排隊，暫時最高「排隊價」更達到$1,800㖭！

孖寶兄弟
■透明盒包裝頗為吸引。

■FAMICOMMINI盒面設計跟足舊版，不過Size就細t。

■任天堂靈魂人物《孖寶兄弟》，絕對係經典中嘅經典。

■可能好多人玩過磁碟版《薩爾達傳說》，不過呢款盒帶版你又玩過未？

■（左起）食鬼、薩爾達傳說、ICECLIMBER、DONKEYKONG

■（左起）STARSOLDIER、炸彈人、EXCITEBIKE、MAPPY、鐵板陣

機迷反應
喺上星期六（2月14日），紅白機版GBASP正式派貨落場，好多機迷喺各Game舖等拆箱攞貨，氣氛相當之熱鬧。加上是情人節，當中有唔少情侶一對對咁嚟買機，證明任天堂呢個「情人節」策略跟一年前初發售一樣成功。

豪氣出機情侶：「我哋兩個都係任天堂Fans，雖然已經買咗部SP，不過實在太鍾意『紅白配』，所以就算貴一點，都要買兩部返屋企！」

Ken：「唔係原版紅白色，有些少失望。想玩《食鬼》，可惜冇得賣。」

Lily：「一直也沒有買GBA，不過見到咁靚都心思思想買番部。」



換紅白機版GBASP大行動
雖然現時紅白機版GBASP依然處於一個較高的價位，但其實要用一個較平的價錢擁有亦不是難事，好像灣仔東方188商場的DreamStore，便推出了「舊機換紅白機版GBASP行動」，如果用舊GBA換紅白機版GBASP，只需加$800，用GBASP則只需$650，那麼舊機便不用放在一旁封塵吧！

售賣點：DreamStore
查詢電話：25753285
地址：灣仔東方188商場256號舖

另一對情侶Edmond同Elsa：「買紅白機版純粹喜歡這顏色，可惜冇《DONKEYKONG》和《食鬼》，否則一定會買埋。」

Eko：「冇玩開GBA，但覺得這顏色很漂亮，細細部又方便拎出街。」

Eko：「冇玩開GBA，但覺得這顏色很漂亮，細細部又方便拎出街。」