由王晶執導、陳冠希、謝霆鋒及任達華等主演的新片《新紮師兄》，昨日凌晨在觀塘工業區拍攝一場爆炸及槍戰戲。因為場面太逼真，附近居民誤以為真的發生案件，即時報警，驚動警方出動三輛消防車及一輛警車到場了解。
昨日凌晨二時許，由王晶執導的新戲《新紮師兄》在觀塘工業區，拍攝一場爆炸及槍戰戲，內容講述霆鋒與飾演其父的任達華等在大牌檔打邊爐時，馬路旁的車輛突然爆炸，賊人更走出來與霆鋒槍戰，吸引三十多名記者採訪，約三十多名市民圍觀。
昨日開始拍攝前，約有三十名工作人員一早到場準備，先用水清洗要拍爆炸戲的路面，然後將車駛至拍攝位置，淋上六加侖電油及放上十二包炸藥，工作人員並叮囑記者說：「唔好走埋有水嘅地方，唔知係水定係電油呀。」王晶也着記者不要拍照甚至開閃燈，以免影響現場燈光要重拍。
而正式開始拍攝時，在場人士均嚴陣以待，霆鋒等演員聚在電視機前觀看拍攝情況，連圍觀市民也屏息靜氣。
在王晶一聲令下，一輛的士、一輛小型貨車及一輛私家車同時爆炸，發出巨響之後，現場火光熊熊，氣溫亦即時上升。未幾，只見三輛消防車及一輛警車火速到場，了解過後便離開，原來有市民誤以為發生火警，致電報警。而工作人員亦快速以在場戒備的水車將火淋熄，其後又再點火拍了兩次車輛殘骸在燃燒的鏡頭。
王晶事後接受訪問時說：「我哋事先申請咗，批得好快㖭，我哋都有call咗架消防車嚟準備，不過可能都有市民報警，所以多咗消防車同警車嚟。其實呢場戲未算最勁，最激係過幾日拍一場大石壓囚車嘅戲，成齣戲月底就會拍完。」
其後霆鋒等還拍了一場槍戰戲，聲浪比較早前的爆炸聲響還要嘈吵。而拍攝一場賊人開槍戲時，不用埋位的霆鋒好奇走近觀看，結果有塵粒吹入眼，他即時掩眼低頭，幾名工作人員走近慰問，一會兒霆鋒抬起頭表示無恙。
霆鋒接受訪問時表示對爆炸及槍戰戲均毫不懼怕，他說：「爆炸戲同我哋距離都唔係好近，冇危險嘅，反而槍戰時因為有雷鳴槍，要射爛啲煲，真係大聲到耳都鳴埋，心又跳呀。」問到霆鋒情人節將如何度過時，他說：「喺呢度過囉，拍完返去都唔知幾點，同工作夥伴度過。夜晚又唔知使唔使錄音，頭先任達華送咗朱古力畀我啦。」再問霆鋒有否看王菲主演的電影《大城小事》？霆鋒反問：「幾時上呀？等我拍埋呢部戲先啦。」而提到張栢芝有兩項金像獎「最佳女主角」提名時，霆鋒說：「我搭飛機時睇過少少《大隻佬》，我唔知佢有冇機，我冇資格批評人，我又冇睇其他入圍嘅戲，咁唔公平。」
此外，有份入圍今屆金像獎「最佳男主角」提名的任達華，提到吳鎮宇表示要劉德華讓獎一事時，他說：「唔可以咁違規，鎮宇咁後生，等多幾年啦，今年由我同華仔分咗佢啦，今次提名我當係送畀老婆嘅情人節禮物。」
採訪：陳梅香
攝影：陳偉權
