老董今年施政報告提出要留意網民言論，藉此監察民意趨向，民建聯亦好醒，上個月推出一份名為「e心直說」嘅電子通訊，透過電郵廣發畀網友，估唔到引發一場小風波。
原來有唔少網友對民建聯呢種做法有微言，質疑民建聯搵咗間有幫人發垃圾電郵嘅市場推廣公司做中間人，更指民建聯身為立法會第一大黨，竟然幫襯呢間公司，有變相鼓勵發垃圾電郵之嫌，一怒之下向民建聯投訴，拒絕再收民建聯嘅垃圾電郵。
民建聯公關部似乎心知不妙，回覆強調簽約時已要求該公司必須從合法途徑取得電郵地址，亦要容許收件人選擇唔收，輕描淡寫就卸晒件事。其實其他政黨都有用類似方式發出電子通訊，點解獨係民建聯受批評呢？值得佢哋高層諗諗。
傳真︰2623-9278
電郵︰