新一屆瑞士日內瓦車展舉行在即，各車廠都紛紛發放將於場內展出新車款嘅消息；就好似德國寶馬汽車咁，旗下Mini將於場內展出新款開篷版本，並會於今年夏季推出。
從外形而言，全新MiniConvertible開篷版本嘅造型與原有硬頂版相近，但改用上開關不假於人手，並可於15秒內完成整個過程嘅軟篷頂後，賣相變得更具吸引力不突止，而且重可以讓車上乘客，隨時享受到開篷駕駛嘅樂趣呢！
至於車廂方面，除空間寬敞闊落之餘，加上承托力甚豐嘅座椅，乘坐妥貼又舒適，就連設備配搭亦見齊全易用；機械配搭亦與現有硬頂型號相近，同樣以一台1.6公升偈（馬力115匹）作核心，用以驅動此車可謂綽綽有餘。有興趣嘅車迷，就要密切留意新車嘅確實推出日期喇！