新界地王劉皇發新年一開始，就幫香港人求咗支中中亭亭嘅籤，當堂紅咗一排。
發叔前晚去仁愛堂ball，同八方講話要搵何志平局長請食飯報答，「我代佢（何志平）求咗支籤，佢好應該請我食餐飯啦，不過咁，可能我都搶咗佢光。」
至於噚日情人節，發叔話太太唔係情人，係愛人，所以唔使陪佢，自己照打波去也，反而兩公婆已經慶祝咗中國情人節元宵，發嫂重每年都會包湯圓。發叔即時緬懷過去十五二十時，「以前啲後生仔鍾意走去鄉下地方偷雞、偷鴨玩，聽講重有偷情㖭！」
（圖）發叔嘅情人節節目唔係陪老婆，而係去打波！
傳真︰2623-9278
電郵︰