甚麼是愛國？中央心知肚明。但香港市民未被告以具體詳情，盲舂舂亂估，以為自己很愛國，被扣上白撞冒認的帽子，很易出事。政府最好詳列愛國者標準，來趟全港市民驗身驗血，確認有關人士。又或者做個測驗，叫市民回答下列問題。答是一分，答非零分。
你支持二十三條下個月即刻立法通過？
特首繼續由八百人選舉出來，你覺得好爽？
台灣民主投票選出總統，你認為他們正在搞台獨、陀衰香港？
有得揀的話，你會投票揀蕭蔚雲做律政司長？
愈來愈覺得內地法律專家識神打，叻過偉哥？
你相信中國沒有隱瞞沙士疫情？
你覺得董建華好戲過劉德華？
今年七一，你不打算遊行，諗住去毛澤東紀念堂參拜毛屍三鞠躬？
你支持董建華傳位給梁振英，跟地產商聯手治港？
九月立法會選舉，你決定不投票，打48圈麻將後通宵唱K？
全部答是，愛國一百分。特首冇得你做，但鄔維庸會獎你醫生紙，等你放失憶長假到2047。