相由心生呢句說話有時都幾啱，好似美國名模安娜妮歌史密夫（AnnaNicoleSmith）咁，自從袋咗九十幾歲油王侯活馬歇爾（J.HowardMarshallII）嘅身家之後，佢嘅身材就好似吸水海棉咁不停發脹，脹到好似癡肥咁，面目重好猙獰，令人好難再想像到佢係十年前品牌Guess嘅超索名模。
當然啦，如果俾你分咗人哋七億港紙嘅身家，你都冇乜理由要為咗搵食keep住個身材，不過最慘嘅係冇人想再接近你，呢幾年安娜帶埋佢嗰個水桶肚出現公眾場合時，大家都只當佢係笑話一宗。
不過似乎安娜沉醉咗幾年發財夢後，終於想再重整自己形象，最近佢簽咗間減肥公司TRIMSPA做代言人，減咗幾十磅，佢開心到大嗌：「I'mback！」重隨即喺前日紐約嘅一個fashionshow度，扮到成個夢露咁風騷出現，我羅拉都認為佢的確索番唔少，起碼見番條腰吖！不過同佢最fit嘅時候比，重有好大嘅進步空間喎！