林嘉欣昨日到銅鑼灣出席「嘉欣與你二月十四的約會」，與現場歌迷歡度情人節，與歌迷玩遊戲，要男歌迷用不同的方法向她示愛，其中一位男歌迷對嘉欣說：「如果我係個衣架，你就會係衣架下面件衫。」
另外更有歌迷大膽至未示愛先向嘉欣索取電話號碼，最終嘉欣選出講「衣架」的男歌迷為優勝者，還與對方手牽手，造手蠟倒模擺設，但此舉卻引來台下歌迷呷醋。
事後嘉欣說：「好冧！但係佢哋好怕醜，我覺得講衣架嗰個最有創意。」嘉欣又提到自己在外地求學時追求者眾，她說：「試過有人冇署名，送咗五百支玫瑰畀我，佢亦送過好貴嘅音樂盒，但我唔鍾意佢，覺得唔鍾意人唔可以收人哋禮物，花就冇得回，所以我回番個音樂盒畀佢囉！」
採訪、攝影：王連連