曾憲梓一番「清算」民主派言論，不但對民主派毫無影響，反而令今年九月面對立法會選舉的民建聯「有得震冇得瞓」，有民主派中人引述民建聯核心成員說，若曾憲梓等人「再咁搞落去」，「到時民主派立法會選舉口號就會變成『支持曾憲梓、董建華、鄔維庸，請投民建聯一票』！」
民主派中人分析，「就算民主派乜都唔做，北京都會日日送選票畀我哋」，連左派政界人士也不禁搖頭歎息自嘲：「我哋日日輸個十二碼畀民主派」，又說：「我真係好同情曾鈺成、馬力，其實真係唔關佢哋事，但九月一定入晒佢哋數，但係曾、馬又唔可以叫佢（曾憲梓）收聲」。
有曾與北京一些官員接觸的政、商界人士不約而同分析，「民主派勢好，北京傳統智慧就係批評佢哋反中，希望打擊佢哋，但北京開始明白呢套未必行得通，但只要中央政策唔變，除咗鬧，佢哋根本乜都做唔到。」
本報記者