昨日有報道指方力申（Alex）在Twins成員蔡卓妍（阿Sa）的推波助瀾下，與鍾欣桐（阿嬌）秘密拍拖三個月，但亦有消息指Alex其實正力追阿Sa。
事緣去年夏天阿Sa邀方力申教滑水，及後男方即以滑水為理由，多次約會阿Sa，可惜事隔半年，Alex仍未將阿Sa成功追到手。
不過，Alex為今年GoldLabel經理人公司力谷歌手之一，稍後他亦會開拍電影，故此這段時間有緋聞傳出，確實令人質疑是宣傳手法。
Alex昨晚在屯門出席情人節活動時，對緋聞連聲否認，他說：「今日我爹哋都有打電話問我，我睇完報紙都嚇咗一跳，今年真係有個好難忘嘅情人節，但情人節之嘛，又唔係愚人節，我哋係朋友，唔係拍拖，但我都唔排除任何一個發展機會。」對於有指阿Sa做紅娘，Alex說：「男人大丈夫，使唔使人幫呀？」