【本報訊】港府提出應付爆發禽流感殺雞方案及擬停止輸入活雞一年，引起活家禽業極大反應，業內人士指摘港府措施嚴苛，可能令業界損失數以十億元，並點名批評倡議中央屠宰的食物及環境衞生諮詢委員會主席袁國勇，「香港冇禽流感都要置我哋行業於死地，絕對會同佢鍊過，唔會罷休。」
衞生福利及食物局官員明日與活家禽業開會，活家禽批發商會昨日與一批業內人士開會，討論港府提出的應變方案，會長徐名團會後稱，業界反對香港一出現禽流感便屠宰全港雞隻及無限期停止輸入活雞的方案，「好多個案證明野雀係帶菌元兇，點解唔殺晒野雀呢？獲准輸港活雞嘅幾百個（內地）雞場都冇禽流感，政府冇理由再停止活雞入口。」
徐名團說若港府擔心抽驗有漏洞，業界同意增加抽驗次數，「總之抽到滿意為止，證明百分百冇事先賣。」
對於有消息指港府提出可能停止活雞入口一年，衞食局發言人表示政府將會就家禽政策諮詢公眾，是否停止入口一年則不作評論。徐名團認為這是將全行業「置於死地」的不負責任措施，他又稱業界對袁國勇極度不滿，「佢以為中央屠宰就搞掂禽流感，根本係無知，日本實行中央屠宰，都有禽流感啦。」他說業界擬公開聲討袁國勇。