情人節是梁漢文（梁炳）每年又期待、又頭痛的日子。昨日梁炳到花店揀花時說：「我買咗禮物㗎啦！不過揀禮物真係令我好頭痛，同女友行咗咁多年，要驚喜都驚喜過，有時真係唔知買乜好。我都試過送九十九支花畀女朋友㗎！」
問梁炳會否覺得女仔在街上拿着花很戇居？他即說：「唔可以咁講，女仔收到花會感覺自豪，而作為佢身邊嘅男人，自己愛嘅人覺得自豪，自己都會自豪。」
梁炳續說：「女朋友其實唔想我送花，因為嘥錢。不過，又驚佢口同心嘅感覺唔一樣。」他還向記者大講花經，他說：「毋忘我同玫瑰花都係情人節必備嘅，天堂鳥就可以送畀啲高傲嘅女仔，蘭花就感覺高貴，而薰衣草都幾啱我女朋友，因為佢鍾意紫色，又可以減壓，幾好嘅選擇！」
採訪、攝影：李珮洳
場地提供：奧司卡花店