姚嘉妮、Rosemary、周汶錡等昨日往灣仔會展演出婚紗騷，眾人為羅浮宮及新天地示範新款婚紗。姚嘉妮表示今日情人節與男友林祖輝均要開工，只能在晚上慶祝，她笑言男友故作神秘，不肯透露節目內容。
姚嘉妮說：「佢講笑話同我去快餐店食餐飯就算喎！」問她希望收到甚麼情人節禮物？她說：「冇所謂啦，拍拖咁耐一齊過咗咁多節日，乜禮物都收過啦，加上祖輝屋企有個後花園，佢自己種埋好多玫瑰花，都唔使嘥錢買花畀我。」
對於TVB大幅裁員，姚嘉妮說：「我好好彩，十一月先續咗約，不過𠵱家咁嘅環境，工作壓力都大咗，話晒TVB有咁多新人，競爭好大，我都要做啲成績出嚟。」對於梁思浩炮轟TVB無情，她則說：「唔使替思浩擔心啦，佢大把窿路。」
採訪：梁錦雯 攝影：陳志嵐
