緋聞男女陳冠希（Edison）及陳文媛（BoBo）前晚分別在旺角及尖沙嘴開工，Edison血流披面在天台持槍大戰奸人湯鎮業；而BoBo則扮到靚出席宣傳活動，並表示今日要與小狗共度情人節。
陳冠希前晚在旺角一幢大廈的天台拍攝新片《新紮師兄》，劇情講述飾演警員的Edison被演奸角的湯鎮業利用而遭革職，湯並找人打Edison。
Edison一怒之下便追湯鎮業上天台，以槍指嚇對方，欲同歸於盡。前晚Edison化了一個眉角被打爆、眼皮青瘀及嘴角流血的妝，更以真槍空彈拍戲。
今次Edison一反以往靚仔造型，他說：「我都係第一次化啲咁嘅妝，而揸真槍就唔係第一次，以前拍《特警新人類》都試過，呢次我同霆鋒合作得好開心！我哋重計劃緊再合作一部戲，但要搵老細投資。」Edison又透露此片會在五月一日勞動節於中、港兩地一同上畫。
對於近日有報道指Edison家姐陳見飛與EO2成員Eddie分手，Edison說：「唔知，家姐嘅私人事我都唔會理。」
此外，BoBo前晚在尖沙嘴出席相機宣傳活動，她表示今日情人節會出席犬隻活動，並為小狗找男朋友。Edison會否送禮物給BoBo？她說：「冇人送禮物畀我，我亦都冇送禮物嘅對象。咁大個人我唔會咁肉酸追人哋送嘢，佢唔送，我都唔失望。」BoBo又笑稱自己一向有玩自拍，不過她一定不會拍裸照，她說：「影咗就遺憾啦，咁恐怖，自己睇都會嚇親呀。」
採訪：李珮洳、駱華齡 攝影：何國豪、林德雄
