雖然噚日已經係年廿二，但新春酒會仍然未停，八方就去咗會計師公會嘅酒會，中聯辦副主任黎桂康、財經事務及庫務局局長馬時亨都有出席，睇見馬仔同佢下屬苗學禮係咁黐住新嚟嘅黎主任雞啄唔斷，八方唔係咁易插嘴。原來肥馬禮拜日會帶埋一班保險界人士去北京，拜訪中國保監會，爭取CEPA開放畀保險界，之後同唐唐及曾俊華會合。
一轉頭，八方就見到會計師公會副會長周光暉，佢實牙實齒咁話今年九月會參選立法會會計界議席，同李家祥鍊過。周光暉以前都選過立法會，但輸畀阿祥，不過佢話唔介意屢敗屢戰，最重要係畀選民多一個選擇，聽落又幾有體育精神噃。
（圖）馬時亨除咗黐實中聯辦副主任黎桂康（右），都不忘同主人家路沛翹（左）寒暄。
李潤芳攝
傳真︰2623-9278
電郵︰