香港電影金像獎昨日公布提名名單，由杜琪峯執導的《PTU》獲九項提名，而他與韋家輝聯合導演的《大隻佬》亦共得十三項提名。至於《無間道II》和《無間道III終極無間》則分別獲十二項及七項提名。憑《無間道II》獲提名角逐影帝的吳鎮宇，昨竟公開要求華仔讓位，不要與他爭影帝。而栢芝則同時有兩部戲提名影后。
將於四月四日在文化中心舉行的「第二十三屆香港電影金像獎頒獎典禮」，昨日大會於尖沙嘴舉行記者會，公布提名名單。早前張栢芝才憑《大隻佬》奪得了○三年度香港電影評論學會的「最佳女主角」，昨日她又同時憑《大》和《忘不了》提名影后。記者昨日致電栢芝時，她說：「第一次得到金像獎女主角提名，兩部戲唔同類型，但同樣可以入圍，真係好開心，到時攞唔攞到獎都冇所謂。」
華仔睇好栢芝
至於有六大影帝梁朝偉、黃秋生、陳道明、曾志偉、黎明和劉德華坐鎮的《無間道III終極無間》，一眾男主角竟齊齊名落孫山，反而主演《無間道II》的吳鎮宇一枝獨秀跑出，獲提名「最佳男主角」。鎮宇昨日在電話中興奮地說：「呢部戲有咁多人，有得提名我梗係開心啦！
問到鎮宇對自己攞影帝可有信心？他說：「信心就梗係有啦，總之我希望劉德華今次放手啦，因為除咗佢之外，我哋個個都未攞過金像影帝，希望佢放手畀個獎我哋啦！如果有空位嘅話，我想同青雲一齊攞。」
曾以《暗戰》贏得金像影帝寶座的劉德華，今年再憑《大》片提名「最佳男主角」，對於鎮宇要求華仔讓位一事，華仔在電話中笑說：「唔係我話讓就讓，有冇問過青雲、學友同任達華先？其實今次有提名已經好開心，因為呢部戲係我從影以嚟拍得最辛苦嘅戲。女主角方面我幾睇好栢芝，男配角我就睇好張兆輝。」
「上年有質素戲唔多」
任達華則在電話中說：「好開心第一次獲男主角提名，信心一定有嘅，對手個個都好好演技，我都有睇晒對手嘅戲，印象最深刻係學友，個角色好有難度，平民得嚟又好難做，另外睇好就係青雲。」而張學友及劉青雲對獲提名均說：「好開心。」
而同時憑《PTU》及《大隻佬》獲提名「最佳導演」和「最佳電影」的杜琪峯，昨日在電話中說：「其實上年有質素嘅戲唔係咁多，相對競爭冇咁大，我個人會較鍾意《PTU》。而我特別希望華仔得獎，因為佢拍《大隻佬》嗰陣付出好大代價，另外，任達華我都想佢得，因佢為咗拍《PTU》兩年冇拍其他戲，真係好有誠意。」
超儀兩獲提名女配角
憑《金雞2》提名「最佳女主角」的吳君如，昨日在電話中說：「信心梗係有，我自己覺得《金雞2》比第一集有進步。而男主角喺朋友嘅立場，我會揀劉德華同張學友。」林嘉欣則說：「好緊張，今次有咁多對手入圍，好興奮。」
此外，金像獎方面昨透露有意邀請《標殺令》導演昆頓塔倫天奴（QuentinTarantino）、姜文及劉曉慶任頒獎嘉賓。而何超儀昨日有份出席記者會，她得知自己有兩項女配角提名後，表現興奮地說：「我以為自己聽錯，聽完自己有份提名之後都聽唔到其他嘢，不過可以同班勁人一齊入圍已經係光榮。」
採訪：陳梅香、陳月媚
