今年情人節真熱鬧，香港電台第二台𠵱家喺每個鐘嘅正點新聞後，都會播出城中名人、藝人同DJ嘅心水情歌，共一百零一首。
八方一睇個點唱表，又覺得幾有趣，余若薇大狀原來係學友迷，佢認為《每天愛你多一些》好溫馨同有意思；馮檢基同新鴻基證券策略師李錦都同樣揀咗林子祥嘅《分分鐘需要你》，話夠浪漫同投入喎。
好多人都鍾意英文情歌，何志平點嘅係《InMyLife》，佢覺得首歌甜甜蜜蜜，愈聽愈有味道；周梁就點《Misty》，因為呢首係佢當年贏得歌唱比賽嘅首本名曲，𠱁個女瞓都係靠呢隻歌。
至於老董，港台冇請到，如果老董點歌，最恰當嘅就係點當年「比知樂隊」嘅名曲，叫做《IStartedaJoke》。
傳真︰2623-9278
電郵︰