早排，亞Mark預料到響市況向好，加上歐元及日圓滙價持續強勢嘅情況下，各家汽車代理商會將車價調升，果然不出所料，部份車行已暗地裏將車價調高約5%左右，而一直深得車迷捧場嘅德國寶馬代理，早前亦透露過話會有加車價嘅壓力。
及至近日，亞Mark收到確切消息，話佢哋會落實響今個月19日（星期四），正式將車價調升1.4%至6.5％不等；當中旗艦級嘅7系，熱賣車款如745Li，會由原來122萬8千加至129萬，而730Li亦由原來85萬9千2，遞增至89萬9千；至於近期車氣急升嘅新5系，最受買家捧場嘅530i，會由原價63萬9千加至64萬8千。至於屬CitySUV車款嘅X54.4iA，亦由原來嘅74萬9千幾，增加至79萬8千㗎！若然你係寶馬Fans，想買車或換車的話，趁住重有約一星期時間，就要行快步落Showroom訂車喇！如果唔係買貴車就唔好啦！