張燊悅近期與倪震拍檔主持電台節目《絕情谷》，在節目中與聽眾論盡情與慾。她揚言除了要與伴侶心靈相通外，自己還要做個很有吸引力的女人，才能令對方享受性愛的樂趣。
張燊悅（Nicola）與倪震拍檔主持商台深宵節目《絕情谷》，至今已有三個多月，在節目中，她不時要聆聽聽眾的情與慾問題，首次公開談性說愛的Nicola，除了在第一集時感到有點尷尬外，現在要她去聽、去講性事，只要內容不猥瑣，她也不會靦覥。
Nicola日前在銅鑼灣接受本報訪問時說：「又唔係講啲猥瑣同核突嘢，啲聽眾打電話嚟問之外，重希望我哋可以畀吓意見，𠵱家有好多女仔都會講性，講唔需要怕，亦唔代表係性開放，況且性喺愛情上都係好重要嘅一環，性生活唔協調，會係好多人感情轉淡嘅原因之一。」
Nicola為聽眾解答過不少性問題，未知她對性的看法又如何？Nicola說：「性係大家心靈相通嘅嘢，作為一個女性，如果身邊嘅男人對你冇性要求，你會好驚同好擔心，覺得自己係咪冇吸引力呢？所以我覺得女人要keep住自己嘅吸引力，令自己嘅皮膚好啲，身材好啲，咁至可以畀到伴侶去享受性。」
當上電台主持，令Nicola聽盡不少戀事，箇中既有甜蜜溫馨的，亦有使人搖頭歎氣的，Nicola說：「有啲聽眾會唔知方向，對一啲事睇得好嚴重，以前我唔明點解白姐姐（白韻琴）會成日教人離婚，𠵱家我了解到人係應該知道自己幾時要退，有時唔能夠唔承認失敗。」
採訪：朱倬誼 攝影：何國豪
髮型：Ling（Tete）
場地：Tete
服裝：PinkLabel
