女子組合Cookies日前學整拉麵，表現得雞手鴨腳，事後四人品嘗自己的製成品時，三個成員都說自己不合格，惟獨Kary笑言自己識武功有好身手，給自己八十分。
組合Cookies日前與新城電台主持人何基佑，到銅鑼灣某拉麵店，跟師傅學整拉麵。五位年輕人甫到食店廚房已十分興奮，嚷着要立刻學習。但是Cookies四餅女均顯得有點雞手鴨腳，在學習拉麵的過程中，師傅雖已即場示範，不過她們仍未能掌握技巧，不時要師傅在旁提點。而出來的結果，不是拉麵太幼或太粗，就是長短不一。
Cookies的四位成員均玩得衣服沾滿麵粉，但她們均坦言有下廚經驗，Miki說：「做拉麵真係唔係我嘅料，不過我最近學煲湯。自己去超級市場買一包湯料，然後返屋企煲，都幾辛苦㗎，因為要自己睇住幾個鐘頭火嘛！」而Theresa則最愛創新，她說：「有時朝早我肚餓，就會整吓嘢食，我發現原來烏冬加字母湯好好食㗎！」
麵店工作人員事後把Cookies的製成品烹調，然後給她們自己品嘗，三餅女對自己的表現均覺得未合標準，除了最鬼馬的Kary，對自己的表現充滿信心，她更笑指：「我畀自己八十分㗎，因為我本身有功夫底子、有好身手先可以咁咋，如果整晒全個過程，咁我實可以有一百分！」 採訪、攝影：王連連
