要表達自己嘅聲音，除咗參加遊行，亦可以透過互聯網發表意見。二十幾個來自唔同行業人士，自發組織咗一個名為WeHK.com（www.wehk.com ）嘅網站，畀市民一個平台發表意見，全世界關心香港嘅朋友，都可以登入網站討論及分享，網站亦歡迎各路朋友投稿，目標都係同心同德為香港貢獻出力。 網站成立委員會成員嚟自法律、電影、建築及醫療等不同界別，成員由二十幾至五十幾歲不等，大家熟識嘅平機會前主席胡紅玉同導演徐克都係委員會成員之一。但網站嘅一眾發起人話，網頁屬於全港市民，不屬任何政治團體，更不帶任何政治色彩，處理投稿就更加唔會有自我政治審查㖭。 （圖）有份成立WeHK.com網站嘅包括平機會前主席胡紅玉。 傳真︰2623-9278 電郵︰[email protected]