楊千嬅在個唱中失準，周啟生日前批評她臨急抱佛腳去學唱歌，千嬅前晚暗寸即將舉行演唱會的周啟生有借她做宣傳之嫌。並表示隨時願為對方效勞。
楊千嬅前晚在紅館完成一連五場演唱會，劉德華、汪明荃（阿姐）和陳冠希等做表演嘉賓，華仔和阿姐出場即大受歡迎，搶了主人家的風頭。
對於創作人周啟生日前批評千嬅在演唱會前才臨急抱佛腳跟其姊周小君學唱歌，千嬅暗寸即將舉行演唱會的周啟生有借她宣傳之嫌，她在慶功宴上說：「佢講笑咋，我一直都有向周小君學唱歌，都幾年啦，佢係咪好耐冇同家姐見面，少溝通？」千嬅可覺周啟生有借他宣傳之嫌？她說：「我唔想用呢個方向諗人哋，到時有乜嘢要幫手，我會幫。」
而周啟生看來受到千嬅經理人黃柏高老友陳達志（Ba叔）的壓力，他昨日接受電台訪問時否認批評千嬅，他說：「Ba叔一早打嚟鬧我，不過千嬅咁靚女，佢唔會小器，其實我係好關心佢。如果我講說話人哋唔鍾意，我以後會小心啲。」
至於前晚的演唱會，華仔跟千嬅合唱一曲《笨小孩》，阿姐則一身東瀛服飾上台，與千嬅合唱《熱咖啡》，後來又獨自演繹了千嬅的歌曲《少女的祈禱》，坐在台旁欣賞的千嬅即感動得流下熱淚，她說：「冇諗過阿姐會唱呢首歌，每個人都應該保持少女嘅心，咁會一樣青春常駐。」
千嬅前晚聲稱在個唱期間生病，她說：「我日日打止痛針，把聲都好番好多。其實一直有人喺後台standby，如果我唔得佢會出嚟代替，佢係邊個我唔會講。」
此外，前晚的慶功宴既是演唱會慶功，又是電影《花好月圓》慶功，故在場有人不滿太多人前來而要額外花錢，但張耀榮卻否認此事。
採訪：王連連
攝影：林德雄
