無綫向藝員實施「一年一騷」，吳毅將亦為新政策的犧牲品，昨日他在電話中坦承去年十二月與無綫簽新約時，已改簽一年一個騷。
吳毅將表示自續約後，因腳傷而未能參演無綫新劇，想不到至今仍未有再被委派工作，他說：「當時佢哋叫我拍動作戲，咁我腳傷未好，我話暫時唔拍得動作，拍文戲就隨時可以開工，跟住到𠵱家都冇晒聲氣。」
對於無綫裁員，吳毅將說：「我都有聽過，無綫賺緊錢，又係間大機構，錢搵唔晒㗎，大公司應該畀番啲社會責任，畀番啲公道，賺緊錢就唔好立亂開刀殺人哋。」由於吳毅將的太太唐麗球去年才誕下女嬰，未知工作量銳減會否對其經濟構成影響？他說：「𠵱家做嘢唔只單靠香港兩間電視台，我做咗呢行咁多年，都有辦法喺內地做嘢。」
此外，近期唐麗球亦積極搵銀，她在產後拍攝纖體廣告，昨日她穿上低胸裝，於尖沙嘴出席纖體記者會。
採訪：朱倬誼
攝影：王連連