香港城市大學管理科學系副教授曾淵滄說：「我三、四年前由朋友介紹，開始食肉減肥，淨係食肉同菜，唔食有碳水化合物嘅嘢，一個月就減咗三十磅，速度好驚人，由二百二十幾磅減到得番一百九十幾磅。不過，之後停咗，因為朋友話食嘅肉唔可以加油、糖同豉油，淨係可用鹽調味，味道無咁好，我覺得這樣減肥好辛苦。生活係應該快快樂樂嘅，肥啲都冇所謂。」
有份主演現時播放中的無綫劇集《怪俠一枝梅》的蔣雅文，曾經食肉減肥，最初略有成效，但後來出現頭眩症狀，短短三天就放棄了。她說：「嗰時我係睇雜誌，知道可以食肉減肥，咁我日日食火腿同啲肉扒，點知三日之後，我搭巴士落車時，個人覺得好暈，腳步浮浮，一落車就成個跪咗落地下，我諗當時我係血糖太低。後來我去便利店買咗包糖食，就即刻精神番。食肉減肥係會瘦，但個人變得好憔悴，唔健康。」