是自由行又好，經濟改善又好，大減價未到尾聲，已有女性朋友發𤷪𤺧：「一減價，已經發覺今年多咗人同我爭。」減價期間爭得心頭好，對女性來說有增加成功感兼自信的神奇功效，效用隨時大過去瑪花。
減價貨爭唔到唔緊要，購物理由多的是，眼都未眨，又到情人節時候，亦係另一個女人的節日。Levi's今年最矚目的是牛仔新LineN3BP（鐵定3月返行貨），但大時大節如此搵銀小動作亦唔少得，今年情人節禮物套裝找來朱祖兒設計，以「Levi'sOriginalLoveConcept」為意念，設計包括爆炸頭、情深一吻及King&Queen三款。老老實實，水準未算驚喜，但情人節倒數剩番兩日，如果你重未開始準備禮物，你又「懶老定」無去上堂學整情人節蛋糕，建議你咪大安旨意，花三百多塊買Set「情人節急救套裝」，打救你自己。
記者：何兆彬
售賣點：各Levi's專門店、C.P.U.、Extravaganza及DaHood有售
