亞洲禽流感恐慌，立法會議員集體遊埠，又有新名目。議員訪問新加坡同泰國之行亦當堂龜縮，本來有七人，但朱幼麟同見慣醜惡場面嘅馮檢基突然縮沙，陳鑑林就只係去新加坡而唔去泰國，楊孝華掉返轉，喺泰國先同大隊會合，最終只有呂明華、陳國強同黃成智三個人跟足全程。
雖則人人關心禽流感，但都重分別同新加坡國會議員、泰國國民議會議員及官員會面，主要傾經貿發展、保護文物經驗同房屋事務，禽流感爆發問題反而不討論，而且訪問屬「禮節性交流」，相信唔會講到疫症啲咁敏感嘅話題（急市民所急，想市民所想？可能試吓泰式古法按摩就重急啲）。佢又話去到泰國會照食雞，「當然食熟雞啦，生雞就唔好掂嘞。」
傳真︰2623-9278
電郵︰