香港發展論壇急就章喺新年過後宣布成立，呢個星期五係威係勢開壇作法，頭場請到李卓人對胡應湘，加埋周永新以及雷鼎鳴，希望會擦出火花。
八方問阿人，點解肯上擂台，以一敵眾？阿人話，佢一直覺得對話係好健康嘅做法，只係以前冇人搵佢啫，佢覺得反對普選嘅人理據不足，欠缺冒險精神，成日要贏梗，要預知選舉結果，唔尊重港人嘅意願。
阿人一開口差唔多唔停得，同高舉功能組別、力抗免費午餐嘅胡應湘有得揮，到時相信一定精釆，所以主辦單位提大家要預先報名，可以傳真去25014932報名參加。
總幹事張志剛話會展好旺場，租唔到大啲演講廳，打通兩個會議室只有兩百個位，冇法啦。
傳真︰2623-9278
電郵︰