有「樂壇變色龍」之稱嘅大衞寶兒（DavidBowie）下個月十四號喺香港會展中心開演唱會，有傳聞話佢有個附帶條件，就係要喺台上宣揚法輪功。
嘩，公開侮辱土共嘅愛國感情？八方問寶兒嘅唱片公司新力唱片，發言人話有聽過呢個傳聞，而如果寶兒到時真係咁做，都阻佢唔到，因為佢哋冇權干預歌手嘅信仰自由。
大衞寶兒真膽大，簡直當江澤民冇到，唔知係咪受肥彭等反中勢力所託，玩吓中方。特區夢想做「國際城市」，今次廢董又頭赤嘞。敢唔敢畀佢入境？不妨賭餐飯。
原來一向跟隨寶兒做巡迴演唱嘅鼓手SterlingCampbell已經修煉咗法輪功五年，前年佢去中國宣揚法輪功，曾經俾中國公安拉過。
唔怪得舊年寶兒去歐洲做巡迴演唱，差唔多每一站都有邀請法輪功會員出席，十分之神心，而且個法輪功之友協會重喺曼徹斯特同都柏林等演唱會會場外搞簽名活動，呼籲國際正義人士支持釋放俾中國政府迫害嘅法輪功學員。
傳真︰2623-9278
電郵︰