白鴿黨黨員李華明噚日喺議事堂問煲呔何謂「共識」？點知俾煲呔上咗一課英語課，話共識即係consensus，即係大家都可以接納嘅方案同意見，以共同利益着想，雖然未必係佢想要嗰一個。肥仔明梗係唔係想問字典解釋，但係煲呔耍你唔答，你都冇乜佢符。
肥仔明一向面懵心精，點會唔識呀？佢同八方講農曆年間因要去日本公幹，因利乘便同老婆囡囡喺日本玩足十三日，大阪京都嘅風景真係好靚，但係日圓升咗好多，七個幾先至兌到一百yen，好肉痛，所以忍住手，只係買咗兩件減到一萬yen嘅GiorgioArmani西裝褸，佢重不斷講「好抵好抵先出血，實在唔捨得」。
（圖）李華明同老婆囡囡去日本玩咗十三日，重喺京都留影㖭。
傳真︰2623-9278
電郵︰