「香港，勝在有ICAC」呢句說話已經深入民心。為慶祝成立三十周年，廉署今年五月將會推出新一輯《廉政行動》電視劇集，今次所講嘅五個真實個案部份同公僕有關，包括轟動一時嘅短樁案、海關人員參與出售假護照案、解款車走私手提電話案、稅局人員協助瞞稅案，以及政府產業署前總產業經理岑國社以權謀私等案件。
今次參與嘅演員有影帝級人馬黃秋生、方中信、邵美琪、蒙嘉慧，同埋近期人氣急升嘅陳健鋒等。廉署重會喺年中推出網上頻道，屆時市民可以免費下載收睇歷年《廉政行動》電視劇集，同埋由廉署自己拍攝嘅短片，介紹佢哋嘅最新資訊同工作。
廉署構思喺年底舉行步行籌款活動，除咗市民可以參加，重計劃邀請歷任廉政專員出席，包括首任廉政專員姬達爵士，一齊見證廉署三十年嘅反貪成果。
（圖）廉署以報章報道手法製成30周年紀念座，送畀拜訪廉署嘅嘉賓同合作機構。 廉署提供圖片
傳真︰2623-9278
電郵︰