黃慎堅於八十年代獲美國奧委會邀請，為田徑隊擔任研究員，對美國體育文化有極深認識，而美國田徑隊能長時間雄霸亦不是偶然。
他說：「美國向來都好重視體育，無論父母或者小朋友早已知道做運動員可以係一份好好嘅職業；而有啲中學生在本身嘅項目有好表現同成績，就會被傳媒追訪，反而讀書成績好並唔覺得有乜特別。
運動有好成績嘅學生重可得到大學獎學金資助，父母自然鼓勵小朋友多做運動，這自然會成為一種體育文化；經習慣後，運動漸成他們生活一部份。」Kenny說。
至於美國田徑隊能連續多年在國際賽中交出好成績，據Kenny所說，關鍵在於每位頂級運動員都有一隊專家在背後協助。他說：「我在美國奧運田徑隊當研究員時，主要工作是為運動員做一些如心肺功能及肌肉力量等等嘅測試；而做完後就將報告交給運動員嘅教練，教練再因應報告內容定出訓練程序，看如何提升運動員嘅水平。」
「其實每個頂級運動員嘅背後，除咗有教練之外，重有訓練員同心理醫生等專業人士協助，而每個運動員都有這麼多人協助，成績自然會有保證。」Kenny說。