財政司司長唐英年喺佢媽咪親切關懷下，擇咗日下月十號喺立法會發表處男財政預算案，八方日前見到佢，佢話對各方意見仍然無任歡迎。
唐唐話，份預算案已經寫咗幾個草稿，𠵱家重改緊，其實數吓手指，剛好剩番一個月時間，又真係如火如荼。人人都好羨慕唐唐好腳頭，阿松就冇咁好命，但唐唐話，只係勢頭好唔夠，言下之意係要真係好先至有用，有頭威冇尾陣，或者後勁不繼都唔會有掌聲。
今次做預算案，唐唐算係做足諮詢，又搞網頁，又上電台聽烽煙，直接同市民對話，最後一場呢個禮拜六早上十點半到十二點舉行，港台搞搞新意思，移師到黃大仙龍翔中心現場直播，有嘢想講嘅市民包括中環洪金寶及其他失業有閒人士，可以向港台報名入場，或者到時打電話發表意見。
傳真︰2623-9278
電郵︰