羅霖、伍詠薇及Fendi前要員劉清儀等前晚往銅鑼灣出席SQBeauty開幕活動，問羅霖近況時，她即稱自己死過翻生。她說：「六日前我約埋一班亞姐時代嘅女友出嚟食飯敍舊，食咗蟶子同飲咗少少白酒，兩分鐘後我就覺得全身痕，連講嘢都有困難，嘴唇又發紫，重唞唔到氣㖭！侍應畀藥我食都冇用，惟有好掃興走先。」
羅霖續說：「四日後我去睇醫生，醫生話呢種情形可大可小，如果氣管收窄隨時會窒息致死㗎！我就同老公講，下次見我咁樣要即刻送我入醫院，話晒我仔細老公嫩嘛。」
而劉清儀則已向Fendi請辭，她說：「自從坐完月返工後，個仔淨係跟傭人，好似唔認得我咁，傭人一唔喺身邊就喊，我覺得好傷心，話晒BB呢段成長階段都好重要，所以我決定全職湊BB。」
採訪：DebbieLum
攝影：EdwardChou