台灣富豪黃任中昨在台病逝，曾與他傳過緋聞的彭丹，昨聞噩耗後十分傷心，她指黃任中為人熱情和細心，對己曾有雪中贈披肩之情，彭丹又表示黃任中經常喜歡摸她雙手。
已故女星陳寶蓮的契爺黃任中昨在台病逝，曾經與黃任中傳過緋聞的彭丹，昨日身在北京，聞訊後感到很愕然。
彭丹說：「點會咁，我真係好傷心，𠵱家又走多咗一個朋友，上年年底已經冇咗小黑（柯受良）同阿梅（梅艷芳）兩個朋友，𠵱家又多一個黃任中，所以做人真係化。」
黃任中九六年認識彭丹，他對彭丹的爽直性格很欣賞，有次趁對方到台宣傳，他特別請彭丹回家作客，兩人在家中大跳辣身舞，後來兩人關係曝光後，黃任中公開指與彭丹曾多次同睡一張床，但雙方沒有發生關係。
黃任中又自爆曾親手驗過彭丹胸部貨真價實，他表示：「胸脯大（指彭丹），沒甚麼了不起嘛！」
昨日向彭丹提起這些舊事，她帶點激動說：「其實當年佢公開講啲咁嘅嘢，我真係幾嬲，我唔明佢點解搵我嚟宣傳，我同佢見面，佢只係鍾意成日摸我隻手啫！」
彭丹堅稱與黃任中只是普通朋友，但印象中她覺得對方好熱情，十分懂得照顧人，她說：「有次我喺台灣拍劇，佢嚟現場探班，嗰日天氣幾凍，佢見我有啲凍，所以將身上嘅披肩除低畀我用，當時我幾感動，覺得佢好細心，𠵱家佢過身，我都好唔開心，等佢定咗出殯日期，我會盡量抽時間出席佢嘅喪禮，始終朋友一場，我一定送佢最後一程。」
此外，昨日記者聯絡了另一位曾與黃任中傳過緋聞的鄭艷麗，她似乎對「黃任中」三個字特別敏感，記者欲告訴她黃任中病逝消息，怎料她聽完記者問題，隨即說：「對唔住！我𠵱家唔方便講嘢。」之後隨即掛線，記者再致電給她時，其手機亦已關掉。
採訪：何永寧
