華叔上周五喺立法會爆料，咁啱前基本法草委邵天任接受新華社「訪問」，炮轟胡紅玉老公嘅言論，白紙黑字應承過嘅嘢，反口狡辯，順便砌埋「至今仍死性不改參加旨在推翻中央政府組織嘅立法會議員」如華叔，警告話下次修改選舉法，要考慮埋華叔等人嘅表現。
出到九十歲嘅人瑞級人馬邵老二（佢喺四大護法中名列第二，威過邵老六），港澳辦真係冇人。華叔話，知道踢爆中方有人搵佢秘密訪京，對方一定有好大反應，但佢係出於一片好意，因為咁大件事，唔可能偷偷摸摸私下去傾，要問意見可以光明正大，隨時喺香港傾，唔使做咁多小動作，挑撥離間，大搞分化。
對於有人話佢對中共去得太盡，不留情面，華叔一笑置之，「有嗰句講嗰句，從來唔會口輕輕，唔會講大話。」
傳真︰2623-9278
電郵︰