李克勤與譚詠麟開了三次《左麟右李》演唱會，每次都大收旺場，他倆的經理人公司食住條水，計劃四月開拍同名電影，主角依然由他倆擔任，並將會在戲中扮演低下層的打工仔。
李克勤與譚詠麟（阿倫）所舉行的《左麟右李》演唱會十分受歡迎，所以該演唱會開完一次又一次，而且每次都能夠場場爆滿，他倆的經理人公司藝能有見及此，欲乘勢出擊，開拍電影《左麟右李》，同樣以二人擔任男主角，更會扮演低下層的小人物，道出打工仔的心聲及鄰居之間的互助精神。
藝能老闆張國忠已找來王晶導演《左》片，預計四月開拍，劇本已在編寫中，除阿倫與克勤外，梁榮忠和余文樂亦有份演出，至於女主角仍在物色之中。
近年來李克勤事業反彈後，張國忠一直希望幫助在電影未奠定地位的克勤上位，所以該片亦會以克勤戲份最重，角色方面必然會為他精心設計。
記者昨日致電向王晶求證，他說：「我的確係答應咗國忠幫佢導演《左麟右李》，𠵱家已經搞緊劇本，主線就一定喺番阿倫同克勤度，我覺得佢哋嘅演唱會咁受歡迎，可以開三次都一樣咁勁，咁將《左麟右李》再拍成電影，觀眾一樣會受落，不過𠵱家因為重喺籌備階段，女主角又未搵到，所以暫時有好多嘢重未可以講得住。」
採訪：陳月媚
