港台花花公子比拼　自詡天淵之別
趙世曾：風流過度身體更好

台灣風流富豪黃任中昨日因病辭世，享年六十三歲。港版花花公子趙世曾的風流程度可與黃任中相比，昨日他表示和對方的品味和層次都不同。問趙世曾會否害怕風流過度影響健康？他說：「風流過度對身體更好，先會有精神。」

台灣第一花花公子黃任中昨日病逝，享年六十三歲。與黃任中無論年紀及風流程度均可媲美的趙世曾，昨日接受電話訪問時說：「唔出奇呀，佢身體一向唔係幾得，糖尿病好危險㗎，話去就去，我同佢都算相識，但係就一啲都唔熟，我識佢嗰陣佢重有老婆嘅。」

「邊個好啲有眼睇」
問六十七歲的趙世曾，黃任中一生風流是否不枉此生？趙世曾說：「人不風流枉少年，佢都OK啦，都開心過，可惜呢幾年俾台灣政府搞啫。」對於黃任中與他均風流一生，趙世曾卻明顯不屑與對方比較，他說：「邊個好啲你哋有眼睇，我識過邊個女朋友會跳樓？人哋多女朋友我唔作評論。」

「品味層次好唔同」
問趙世曾怕不怕風流過度會影響健康？趙世曾說：「風流過度對身體更好，先會有精神，個人重開心啲，佢糖尿病就梗係冇得風流啦！我自己健康特別好，一星期打兩次籃球同高爾夫球，又冇俾政府搞，又冇女友跳樓。」
至於黃任中生前將女友分級數，有看護及徒弟等，趙世曾則說：「我自己就冇分嘅，大家品味完全唔同。」最後他再三強調說：「我同佢大家品味層次都好唔同，一個天一個地。」問他屬於天還是地？他說：「唔好由我講，你哋自己評論啦。」
採訪：林妙萍