女子組合Twins前晚出席電影慶功宴，鍾欣桐（阿嬌）近日跟成龍兒子陳祖明在雲南拍攝新片《千機變II花都大戰》，她大讚對方友善、健談和知識廣博，至於祖明母親林鳳嬌，阿嬌就覺得她很緊張首次拍戲的兒子，但為人就沒有架子。
女子組合Twins、毛舜筠和鄭伊健等前晚在紅磡出席電影《見習黑玫瑰》慶功宴，眾演員更在開席前擲鏢預測該片票房，Twins和毛毛都掟中三千萬的鏢靶，而伊健則掟中二千萬鏢靶。
Twins和成龍兒子陳祖明近日在雲南拍攝新片《千機變II花都大戰》，蔡卓妍（阿Sa）和鍾欣桐（阿嬌）異口同聲表示拍戲很辛苦，對於拍攝期間工作人員與記者起衝突，阿嬌說：「我見唔到，只係見到山頭好多人。」
問阿嬌覺得祖明怎樣？她說：「佢好多嘢講，成日講音樂同電影，佢好叻，識國語、廣東話同英文，總之覺得佢知識廣博，佢個樣唔似大哥（成龍），但待人友善就似爸爸。」問阿嬌可有跟林鳳嬌見面，她說：「我都有同佢食過飯，佢好緊張個仔，可能祖明第一次拍戲，我覺得佢份人好nice，完全冇架子。」
此外，本周六便是情人節，問伊健會怎樣跟女友梁詠琪（GiGi）度過，他說：「佢到時會喺外地工作，我諗唔會去搵佢。我又唔興送花，不過唔一定大時大節送禮物，我最難忘嘅情人節係第一年公開，俾記者不停追訪。」
站在伊健身邊的經理人林珊珊卻踢爆他說：「伊健嗰日唔使開工，佢暗示想攞兩日假。」林珊珊又表示彭羚已懷孕三個月，她早前到多倫多旅行時差點小產，近日要卧牀休息。
採訪：何永寧 攝影：陳偉權
