剛於星期日（2月8日）圓滿結束嘅世界越野錦標賽瑞典站賽事，戰況比首場蒙地卡羅賽站來得更激烈；皆因法國嘅先進（Citroen）及標致（Peugeot）車隊，響今個賽站嘅表現明顯有進步，其中由SebastienLoeb駕駛嘅先進XsaraWRC戰車，就以總成績3小時26分17.7秒奪得呢個賽站嘅冠軍，而由上個賽站獲第四名的MarcusGronholm，所駕駛嘅標致307WRC，就以3小時27分4.1秒取得亞軍席位，至於駕駛富士ImprezaWRC嘅PetterSolberg，則以3小時27分39.2秒勇奪一席季軍。
至於響蒙地卡羅舉行嘅首站賽事中，奪得亞軍及季軍席位嘅福特車隊，喺今個賽站中因備受對手嘅步步進逼，故此僅由JanneTuohino所駕駛嘅FocusRSWRC戰車以總成績3小時27分59.8秒奪得第四名；而其隊友MarkkoMartin及AndreasEriksson，則僅獲得第七及第十位，相信福特車隊響嚟緊3月11日至14日，假墨西哥舉行嘅第三站賽事中定必奮力作賽，務求做出更好成績呢！