無綫最近為縮減開支而裁員，甚至跟藝員改簽一年一個騷新約，身為無綫台柱之一的鄭裕玲﹙嘟嘟﹚，對於要養妻活兒的藝員被減騷寄予同情，揚言無綫若要跟她一年簽一個騷的話，她寧願另謀高就。
無綫近日展開裁員行動的同時，更逐步向藝員埋手，實行「一人一騷」制，即一年只簽一個騷，此舉無疑是變相減薪，不少資歷深厚者如羅蘭和胡楓等首當其衝，慘被減至一年一個騷。
身為無綫台柱的鄭裕玲，對於無綫實行一人一騷制亦難以接受，昨日她接受商台節目《茶煲裏的查篤撑》訪問，當主持查小欣問她對無綫裁員及藝員一年簽一個騷有何看法時，嘟嘟說：「如果公司多冗員嘅話，裁員都係合理嘅，但一年簽一個騷，對藝員就唔係咁有保障，我今年底先至約滿無綫，如果要我一年簽一個騷，我諗我會另謀發展。」
及後記者再致電嘟嘟，問她是否不打算跟無綫續約時，嘟嘟澄清說：「唔係唔續約，我只不過係話如果公司要我一年先至簽一個騷，俾佢綁足一年嘅話，我就唔會續約。」
嘟嘟續說：「我覺得對於嗰啲要養妻活兒嘅藝人嚟講，一年簽一個騷都會幾慘！」那麼，她可覺得無綫做法不近人情？嘟嘟無奈說：「咁公司有自己立場嘅！」
此外，亞視新聞節目《時事追擊——中國富人》近日獲紐約國際電影電視節「最佳公共事務節目」金獎，被問到亞視會否像無綫一樣進行裁員時，亞視行政總裁陳永棋說：「冇咁嘅計劃，亞視幾時都咁需要人才。」
採訪、攝影：戴彩煥、顏英儀