張栢芝昨日出席新片《旺角黑夜》開鏡，但因她已信奉基督，所以並沒依隨習俗拜神燒香化寶，身邊人在上香之際，栢芝就站在一旁祈禱，拜神用的祭品亦不沾手。
身為基督徒的張栢芝昨日與錢嘉樂、方中信和吳彥祖等出席在尖沙嘴舉行的《旺角黑夜》開鏡活動，但自賀歲片《鬼馬狂想曲》開始，栢芝在電影開鏡儀式上，已不再燒香和拜神，改而祈禱。
昨日，栢芝在眾人上香之時，便雙手合十念念有詞，她對此說：「我感謝主畀咁多人開工，安定生活，拍戲平安順利，就係咁簡單。電影公司之前打過電話畀我，唔知我會唔會嚟，畀唔畀香我好，拜神嘅雞、燒肉我一向都唔食，我平時只係食海鮮，所以呢方面對我都冇影響。」
情人節將至，栢芝估計要與吳彥祖在工作中度過，她說：「細佬（豪龍）冇拖拍，呢排周不時𠵱𠵱哦哦，又問情人節點算，如果我唔使開工咪扮佢女朋友囉。不過我都有一排冇人追，就算以往情人節我都唔覺特別興奮。」
此外，開鏡期間錢嘉樂的一位女fans手持一個嘉樂的名牌到場，栢芝見他有女fans撐場，樂得開懷大笑。
活動後，栢芝到附近一間酒店取弟弟張柏文的MiniCooper，但栢芝只做乘客，繼而到佐敦與早在等候的柏文，交換回自己的汽車然後直駛大埔寓所。
採訪：魯萍、娛樂突發組
攝影：仇志德
