楊千嬅前晚在紅館舉行第三場個人演唱會，她以一襲粵劇裝打扮示人時，頭飾竟不小心跌了下來，不過她處變不驚，立即把頭飾拾起來，更即時執生說：「做人嘅嘢，最緊要揸得穩，跌咗咪執番。」
前晚千嬅邀請了好友梁漢文和黃耀明任表演嘉賓，黃耀明稱讚她說：「佢係新一代女歌手，佢注重歌嘅每一種元素，所以我一路咁錫佢，希望佢繼續努力。」
此外，千嬅在安歌部份時，本想與雷頌德一起整蠱經理人黃柏高，由雷頌德訛稱她暈倒，然後騙黃柏高上台唱歌，但千嬅最後都打消此念頭。提到被觀眾批評一事，千嬅說：「我唔介意人哋批評我乜嘢，我知喺娛樂圈工作只不過係一場遊戲，我嘅工作係令每一個人睇得開心，有快樂回憶，執着係冇意思嘅。」
採訪：李珮洳
攝影：陳慧安