自從新代理商接手法國標致汽車之後，總舵手嘅LeonardCheng同DamianYip，可謂忙個不停，皆因佢哋正部署今年陸續抵港嘅新車款嘛！當中，至教車迷驚喜嘅，相信除咗稍後時間抵埗嘅307CC開篷Roadster之外，早前廠方剛發布用以替代原有406車系嘅全新407，外形可謂脫胎換骨，既有創意之餘，重予人好有一份房跑車本色呢！為此，Leonard同Damian上個星期重特地去咗法國一趟，到當地測試全新407車系㖭！
若然一切順利的話，亞Mark相信呢款咁有瞄頭嘅歐洲中型行政級車款，可望於今年底前到港都唔定。若然你看膩咗一般中型轎車，並有意換車的話，就不妨耐心一點，留意吓標致407嘅最新動向喇！