本田Jazz變身贏大獎全城注目

本田Jazz變身贏大獎全城注目

曾幾何時，以一部跳脫富動感嘅迷你RV，銷量竟能賣贏過不少四門家庭車嘅本田Jazz，早前香港代理搞咗個「本田Jazz變身贏大獎」嘅活動，吸引到唔少Jazz車主踴躍參加；只要你認為經過自己悉心裝扮嘅Jazz座駕，有機會勝出的話都可以報名參加㗎！
及後，經過有關方面嘅篩選，揀出10部至有瞄頭嘅Jazz，除網上投票佔上30%評分外，一班本地專業汽車傳媒，加上代理評審團各佔35%評分後，最終選出冠、亞及季軍得獎車輛，佢哋除咗獲取到豐富獎品之餘，經過自己細意粉飾嘅Jazz得到認同，嗰份喜悅感實在難以用筆墨去形容呢！

■一班本地專業汽車傳媒，正細意評審每一部車嘅各處。

■冠軍得主身旁嘅座駕，被一致認定係粉飾得最出色嘅一部。