第三十一屆動畫電影頒獎禮啱啱喺日前圓滿舉行，賽前大熱、講述小丑魚父子情嘅《海底奇兵》結果不負眾望，奪得九項大獎，其中包括最佳電影、最佳導演、最佳音樂、最佳劇本同最佳配音等，可謂搶盡風頭。今次《海》片喺競逐最佳電影中擊敗《熊之歷險》同《瘋狂約會美麗都》，呢三部片喺奧斯卡又再碰頭，睇怕《海》片到時都可以再下一城。