金管局噚日宣布一月底特區政府嘅外滙儲備資產有成一千二百三十六億美元，比起上個月多咗五十二億。金管局呢輪硬接咗咁多美元，搞到銀行水浸，八方噚日見到啲銀行分析員，佢哋都笑話小存戶冇息收，唔好鬧滙豐渣打恒生，任志剛先係罪魁禍首，一於追佢。
當然大家都知冇得怪任總，人哋睇好港元要買，金管局都唔可以話唔賣，結果銀行系統錢太多，邊有息畀啲一般存戶？搞到佢哋人人去晒炒股。好彩今次冇出現兩敗俱傷嘅情況，任總因持美元而「被迫」多收了利息；而散戶入市迄今應多少有啲進帳，比起存喺銀行收息好得多；但係任何一個社會炒風太盛都唔好，華叔就成日話，做人要腳踏實地，唔好心存僥倖。
傳真︰2623-9278
電郵︰