許志安近日香港及台灣兩邊走，為新廣東精選碟、國語碟及電影《性感都市》宣傳。安仔自言十分疲累，以致日前為新歌《明天請早》拍攝MV時，導演要求他躺在睡床上時，即趁機小睡片刻補充體力。 安仔說：「本來張國語碟安排喺上年年底出，點知年中沙士問題，搞到成個計劃推遲咗。拍MV嗰日我一聽見導演叫我扮瞓，我即刻喺個心笑咗出嚟，我話唔使扮啦，我真瞓都得。」