04奧運指定復刻AJ再現江湖

誰說佐敦系不復當年勇？回顧03SneakersScene，被列入復刻名單的「裂紋王」AJIII（曾於94、01及03年再版復刻）就賣個滿堂紅，今時今日水貨依然企硬$1,500至$1,900！再數04體壇潮界盛事，首推雅典奧運會，而以此掛帥的紀念鞋早已整裝待發；最先打響聲勢是Puma，特別為雅典奧運推出4款限量版；而潮界龍頭Nike則完全復刻92年AJVII「9」號仔奧運版，但預計排期到今年9月才出閘。不過波鞋街就更威，今周已刮到對原汁原味92年AJVII「9」號仔，將AJ神話揭開序幕。

記者：陳嘉文攝影：林栢鈞

100%狀態完美！玄門正宗92年奧運版AJVII，當年定價約$899，12年後身價四倍有突，本地海鮮價高企$3,999，而在eBay更炒高至$500美金，犀飛利！

AJVII「9」號仔奧運版
CheckItOut
佐敦系的AJVII，生產年份為91至92年，當年Nike採納了佐敦的意見，將前代型號AJVI作改良，放棄了可見氣墊和一切多餘重量。AJVII在鞋底的中部運用了兩種不同物料，以Phylon包覆方式構成，隨着橫向支撐力的強化，鞋內應用了AirHuarache的彈性內墊設計，更加提高了貼腳性。此外，AJVII當年陪伴佐敦衞冕了第二年NBA總冠軍，亦成為1992奧運金牌的足下功臣。

■原汁原味92奧運版為台灣製造，並寫明生產年份。

■Nike特別在鞋踭印上「9」號仔(原版為公牛隊的23號)，皆因此乃佐敦在夢幻隊的號碼。

■92年美國奧運隊指定Colour──白藍紅金的襯色(原版為黑、白、灰三色)。

■採用AirHuarache式的彈性襪筒設計，更加提高貼腳性。

■鞋底的中部運用兩種不同物料，以Phylon包覆方式構成。

AJ狂熱分子楊哥：
原版佐敦有價有市！
楊哥儲齊歷代AJ，然而問心嗰句，他坦言對AJ的熱衷始於84年的AJI，終於95年的AJXI（此期數為佐敦光輝歲月）。「92年購入的AJVII奧運版才$900，今日竟可炒至近$4,000，證明原版AJ有價有市。」楊哥笑說。

楊哥最愛頭六代AJ
楊哥愛AJ始自84年的AJI，即佐敦在NBA的第一年，平均每場比賽得28.3分，且總分為當季聯盟最高分──2,313分，並以此表現榮獲當年「年度最佳新人」頭銜。而歷代AJ，他最愛的有以下：

盛傳初版共推出23種配色，近數年更是停不了的復刻，可謂是殿堂級的AJ。

在86-87這一季，佐敦穿着它締造了令人驚訝的得分紀錄──平均每場得37.1分，並以此成績獲NBA「得分王」頭銜。AJII採用法國設計理念，以簡單設計概念為其特徵。

採用了AirMax氣墊，兼顧了高度的避震性與穩定性，外形上並改以四分之三筒的設計，幫助發揮了驚人的彈性及速度，成了佐敦的最佳武器。

鞋內部採用了高耐久材料Durabuck，大大提高其透氣性。值得一提的是，以全黑做主體設計，使籃球鞋的設計概念從此改變。

鞋底玩透明的高科技設計，也是電影《回到未來2》中的未來鞋所採用的物質，它可以發揮高度抓地力。

重視足踝的舒適性，採用了甲殼式鞋身的設計，包裹住整個足部。其間，佐敦不但幫助公牛隊取得NBA總冠軍，且於常規賽及季後賽中都獲得了MVP的成績，「得分王」頭銜蟬聯5年。

波鞋專家「四哥」最愛AJI
「紐約運動」店長，入行過10年，行內人稱他「羅四」或「四哥」；講到當今潮鞋走勢，佢簡直瞭如指掌。問「四哥」最愛的佐敦系，佢諗都唔使諗即答：「梗係神枱級AJI啦！」
四哥話佐敦系的神話始自85年投產的AJI，未有復刻前，㗎仔直頭捧佢上神枱拜，高峯炒價更炒過萬！後94年作限量復刻，一早排隊都買唔到，直至01再度復刻及增加配色，才有機會買人生第一對AJI。

「四哥」：漆皮AJI值得追捧！
「四哥」直言近數年潮界有個怪現象：唔係Crossover唔係限量別注，班潮友就唔吼！查實呢兩科噱頭動作擺明係呃細路，最終都係益咗班水貨炒家罷了。反觀近期漆皮AJI，冇炒價之餘對鞋又大名氣，都係Mark$799至$899，平過跑去日本買！

一周熱爆情報
歐洲別注
JeffJohnson×NikeAirMax95
$1,399（a）
翻開近期㗎仔雜誌，唔知係咪連佢哋對OldSkool呢個Term都開始有啲厭，是故04要煲的話題作竟不乏Hi-tech鞋種，當中AirMax系的Max95更列入04潮鞋名單。無獨有偶，歐洲方面亦同時跟隊響應，找來與Nike關係密切的JeffJohnson「畫符」──推出別注Max95。

■白×黑×紅公牛版AJI$799(女裝)、$899(男裝)(b)

■白×粉藍北卡版AJI$799(女裝)、$899(男裝)(b)

■黑金尊貴版AJI$799(女裝)、$899(男裝)(b)

售賣點：
（a）ChicagoSports（23981267）旺角奶路臣街17號B地下
（b）NewYorkSports（23989613）旺角花園街71號地下

■隨鞋附上由JeffJohnson親自提筆設計的布揹袋。

■JeffJohnson是何許人？原來佢係Nike的ProductDesigner也。早於1971年已與Nike創辦人PhilKnight關係密切，而Nike之名就係佢改。