近期汽車促銷，各代理商可謂奇謀盡出，但睇落又真係幾有瞄頭，有一定吸引力噃！就好似著名英國積架汽車咁，最近代理商就推出咗一項名為「車價保證計劃」，只要選購全新2004年製造嘅S-Type的話，就會享有最高回收車價保證，限額只得30名。
有關積架本地代理商，保證S-Type車主其後往代理換購任何一款積架名車的話，其座駕在12個月或以內（以出牌日起計算），回收車價可高達港幣36萬（相當於每月約$7,400折舊）；而第13個月至24個月內，回收車價則為港幣30萬（相當於每月約$6,200折舊）咁多㗎！個Plan畀到買家有信心之餘，想遲吓升級換車的話，都好着數噃！若然你係英國車Fans，就不妨考慮吓喇！