名模周汶錡及Rosemary昨日往西九龍中心演出「動感與理」fashionshow，周汶錡表示剛自米蘭回來，除了大出血外，更破戒在正月買新鞋。談到情人節，周汶錡表示要行婚紗騷，而且並未預備禮物送給男友杜德偉。
名模Rosemary及周汶錡等昨日往西九龍中心，為由理工大學學生設計的「動感與理」fashionshow演出。剛自米蘭回港的周汶錡，表示此行既滿足購物慾，亦大快朵頤狂吃雞。
周汶錡說：「我係初七出發嘅，本來重係正月唔應該買鞋嘅，但係我一見到啲長靴，就乜嘢都唔記得晒，買咗四對靴。另外喺當地有朋友send短訊話畀我聽東南亞爆發禽流感，我最鍾意食雞嘅，即刻喺嗰邊放開懷抱狂食雞，以補償返嚟香港要戒食雞之苦。」
問周汶錡情人節將至，有否準備禮物給男友杜德偉？她說：「冇噃，呢幾年情人節我都要行婚紗show，慣咗喺工作中度過啦。」
而Rosemary亦和周汶錡一樣，表示情人節要行婚紗show，加上現階段沒有男友，不慶祝情人節也沒所謂。問她理想的情人節是怎樣？她說：「我希望可以由對方安排節目，唔使好奢侈嘅，有月亮有星星已經好浪漫㗎啦！」
Rosemary又表示現時最掛念在英國念書的胞弟，可惜因工作忙碌，要抽幾天往彼邦探望亦難以度期。
採訪：RitaLeung
攝影：ChenWaiOn
